झूमत हावय सब नर नारी
छोड दा जम्मो अब लाचारी
कुर्बानी के फल गुरतुर हावय
गणतंत्र दिवस के करा तइयारी
संगी जहुंरिया खुशी मनावा
मां के जय जय कार लगावा
भारत मां के गीत ला गावा
ढोल नगाडा आज बजावा
लइका जम्मो एति आवा
परसाद के पुडिया धर के खावा
आनंदित हे दुनिया सारी
गणतंत्र दिवस के करा तइयारी
खुशी जम्मो मनावत हे
भउजी घलो लजावत हे
भइया काबर दुरिहा हे
ओखरो बर परसाद के पुडिया हे
भारत मां तिहार हे
लइका मन हुसियार हे
लइका तुमन शान बढावा
भारत मां के मान बढावा
बन जावा तुमन आज्ञाकारी
गणतंत्र दिवस के करा तइयारी
कोमल यादव
मदनपुर खरसिया
9977562133
The post गणतंत्र दिवस के करा तइयारी appeared first on गुरतुर गोठ Chhattisgarhi.