बसे हो माया मोरो नै न मोरो नैन दाई फुलवा बसे।
बसे हो माया मोरो नैन मोरो नैन दाई फुलवा बसे हो माँ।
मन मंदिर में तोला बसा के करत रहिथंव पूजा मां।
करत रहिथवं पूजा।
तोरेच बेटा आंवंव दाई झन करबे तंय दूजा।
बसे हो माया मोरो नैन..
आंखी के रसता ले दाई हिरदय भीतरी समाये माँ।
हिरदय भीतरी समाये।
तोर भक्ति में मन मोर रंगगे कुछु नइ सुहाये।
बसे हो माया मोरो नैन..
मंया दाई के कइसे होथे तोर कोरा में जानेंव माँ।
तोर कोरा में जानेंव।
बिन मांगे मोला जम्मो दे देस तोर दया मंय पायेंव।
बसे हो माया मोरो नैन..
मन मंदिर मा बइठे रहिबे जब तक हे जिनगानी माँ।
जब तक हे जिनगानी।
तोर बिना मोर कोनो नइये दुनिया अानी जानी।
बसे हो माया मोरो नैन..
तोर चरन में तोर भजन में जिनगी मंयहा पहाहूं मां।
जिनगी मंय हा पहाहूं।
जब तक रहिही सांसा तन में तोरे सेवा बजाहूं।
बसे हो माया मोरो नैन मोरो नैन दाई रूपवा बसे।
बसे हो माया मोरो नैन मोरो नैन दाई रूपवा बसे हो माँ।
केंवरा यदु मीरा
पोखरा एंड राजिम
राजिम रेस्ट हाउस के पास
पोस्ट राजिम
जिला गरियाबंद
The post बसे हो माया मोरो नैन appeared first on गुरतुर गोठ : छत्तीसगढ़ी (Chhattisgarhi).