कतेक करबे इंहा तै बईमानी जिनगी
एक दिन ए जरूर होही हलाकानी जिनगी!
जब कभु टुट जाही मया ईमान के बंधना
संतरा कस हो जाही चानी चानी जिनगी!
चारी लबारी के बरफ ले सजाये महल
सत के आंच म होही पानी पानी जिनगी!
घात मेछराय अपन ठाठ ल हीरा जान के
धुररा सनाही तोर गरब गुमानी जिनगी !
सुवारथ के पूरा म बहा जाही पहिचान
बचा, बिरथा झन होय तोर जुवानी जिनगी!
जब कभु उघारय कोनो किताब इतिहास के
हरेक पन्ना म मिलय तोरे कहानी जिनगी!
ललित नागेश
बहेराभांठा (छुरा)
493996
The post गज़ल appeared first on गुरतुर गोठ Chhattisgarhi.